AMINI NDIPO UONE
(Mch. Remmy Kyaruzi, Pentecostal Salvation Assemblies of God-Kitunda, Jumapili 23 July 2017)
Mungu amekuwa akinifunulia juu ya uhusiano uliopo kati ya Kuamini na Kuona kile unachokiamini. Na iwapo hautaamini, itakugharimu sana kupokea. Asubui ya leo tumejifunza somo la Mch. Jackson juu ya Abramu, na nimejiuliza kwanini Abramu aliadhibiwa kwa uzao wake kupelekwa utumwani Misri, lakini kwa hakika ni kutokana na Abramu kutaka kuona badala ya kuamini tu.

Nachelea kukwambia iwapo hautaamini itakugharimu sana kupokea. Na inawezekana hata ukapata madhara.

Habari katika Yohana 20: 24 – 29, inahusu kutokuwamini kwa Tomaso baada ya kuambiwa na wenzake kuwa “Tumemwona Bwana”. Jambo la kujiulize ni kwanini Tomaso hakuwepo ktk kusanyiko Yesu alipowatokea.

Tomaso alikaa na Yesu, alimwona Yesu akifanya miunjiza na ishara nyingi za kufufua wafu, kuponya magonjwa na kufungua waliofungwa. Naamini Tomaso alikuwa kwenye nafasi nzuri ya kumuamini Yesu zaidi yako. Inawezekana Tomaso baada ya Yesu kukamatwa alikimbia moja kwa moja na alirudi baada ya kusikia habari za ufufuko. Akaja anachungulia na pasipo Imani akaanza mabishano yanayodhihirisha kule kutokuamini kwake.

Shida ya Imani ya Tomaso haikuwa kutokumuona Yesu, bali hata akimuona bado hataamini mpaka aguse kovu za misumari na bado hata hakiona kwa macho hizo kovu hataamini mpaka atie mkono wake katika ubavu (vv 25).

Wokovu wetu tulionao siyo kwa sababu tulimwona Yesu au kumgusa, bali ni kwa sababu tuliamini tu neno lake. Yesus anasema tu heri. Iwapo Imani yako ipo kwenye kuona, kuoja, kunusa, basi wewe hauna Imani. Na asubui ya leo, mwombe Mungu akupe uwezo wa kuamini moyoni mwako ahadi zake.

Sharti la Tomaso linaleta maswali mengi ya kufikirika katika Imani yetu. Madharani, Mungu angemfufua Yesu bila kuwa na KOVU lolote katika mwili wake. Tomaso hata baada ya kumuona Yesu asingeamini. Ina maana Tomaso alikaa zaidi ya siku 8 baada ya Yesu kufufuka bila Tomaso kuamini bila Ufufuko wa Yesu. Inaoneka kama vile Yesu alikuwa na huruma sana kuangaika na Tomaso mpaka aamini. Ikambidi arudi tena safari hii, vinginevyo agefukuziwa mbali kama Yuda msaliti.

Usijiwekee Mipaka katika kumuamini Mungu. Mungu anasema, wanitafutao kwa Bidii wataniona. Endelea kufanya bidii kumtafuta ili uweze kumwona Mungu. Yesu anatafuta jidhirishe kwako kwam alivyoshughurika na Tomaso tu mpaka aakamini. Vinginevyo roho ya kutukuamini ingewapata mitume wengine.

Ukimkuta mtu anajenga, tambua nyuma yake anaomchoro wa nyumba, ambao ulitokana na mchoraji anayeitwa Architecture. Architecture pia anakuwa anachora kulingana na mawazo unayomweleza. Mungu kabla hajaumba, aliwaza kwanza, baada ya hapo akaumba.

Mara zote nimekuwa nikikufundisha kuwa endapo unataka kuendelea lazima uwe na wazo unalotaka kulifanyia kazi. Watu wanaosubiri kuona huwa hawafanikiwi, ama wakifanikiwa ni kwa kuchelewa sana.

Baadhi ya mitazamo katika kuamini jambo:
Jambo la Msingi1: Mtazamo wa kutilia shaka kile ambacho Mungu ameaidi katika maisha yao. Yesu alikuwa amewaambia wanafunzi wake kuwa atafufuka siku ya 3. Wanafunzi walitilia shaka. Baada ya kufufuka waliendelea kumtafuta makaburini (Lk 24:5-13). Hata leo bado kuna watu wanaenda Israel kuliangalia kaburi la Yesu.

Jambo la Msingi1: Mtazamo wa kuondoa thamani ya Shuhuda za watu wengine.Tomaso hakuwa tayari kuamini maelezo ya wanafunzi. Mtu akija akakushuhudia jambo zuri la mafanikio, nachofanya ni kulitilia shaka. Tunaishi kwa mashaka katika kila jambo linalotujia mbele yetu. Mambo ya imani hata lisilo la Imani na matokeo yake hatuendelei.

Jambo la Msingi3: Mtazamo wa kulazimisha kuona ndipo uamini. Iwapo unayo mashaka Mungu atakuadhibu. Jamii ya Nuhu haikuamini juu ya gharika kwani walitaka waone kwanza mvua ndipo waingie katika safina (Ebr 11:6-7).

Kuhani mkuu, Zakaria pamoja na kuingia patakatifu pa patakatifu, akiwa na maombi yake kwa Mungu, bado alikuwa na mashaka alipoletewa majibu wa maombi yake (Lk 1:11-18. Alendelea kusisitiza nitajuaje jambo hili (vv 18).

Endapo ahadi za neno la Mungu ni kuwa Mungu atakulinda, atakuponya, atabariki kazi za mikono yako, wewe amini tu. Sema kama Bikira Mariam, “na iwe kwangu kama ulivyosema” (Lk 1: 38).

Tuna jambo la kujifunza kupitia Teknolojia ya mawasilano ya simu na TV. Tunaweza kupewa maelekezo na tukayaamini tu na hata kuchukua tahadhari katika madhara yake. Tambua mara zote kuwa Imani ikiisha kuonekana na kuwa dhahiri kwano, siyo Imani tena.

Mtume Paulo katika 1Kor 2:6-9, atuonya juu ya Imani yetu. Na inawezekana kutumia Elimu na Uzoefu, kukakupelekea kutokuwa na Imani. Imani ni Mambo ambayo hayakuyaona. Imani ni juu ya mambo ambayo Masikio hayakuyasikia. Kwenye Imani, Macho hayaoni kwani yamefundishwa kuona mambo yaliyodhahiri na Masikio hayasikii kwani yamefundishwa Kusikia vitu vinavyotoa mlio. Sasa kwenye Imano, tofauti ni kuwa Moyo tu ndio unaoona na kusikia visivyoonekana kwa macho na masikio ya mwili. Ni kwambia kitu, ukichukua hatua ya Imani, n kuanza kujishughurisha na jambo lolote, ndo unaanza kuona. Kama unatafuta kiwanja unaanza kuulizia madalali na wanaanza kukuonyesha. Kama ni kujenga, unaanza kuangalia nyumba zilivyo jengwa au kuezekwa, kama ni kununua gari, inaanza kuona aina tofauti za magari, unaanza kuulizia bei, unaanza kuulizia mikopo, nk, nk.

Ukifiria juu ya kutafuta baraka za Mungu, anza kuinua Imani yako>

Habari ya Elisha na Mtumishi wake katika 2Falm 6:15-17, inatupa mwanga juu ya kuwa na macho ya roho na kujua mambo ya sirini. Lakini inatuonyesha juu ya hadhari za kuwa na macho ya mwilini tu. Wakati wetu huu, hatuombi ili Mungu atufungue macho yetu kuona kama mtumishi wa Elisha, bali tuweze kutembea katika Imani.

Ni maombi yetu kwa Mungu, kama wanafunzi wa Bwana Yesu, “Tuungezee Imani” (Lk 17:5). Mungu akuzidishie Imani yako ili usiwe kama Tomaso katika maisha yako ya kiroho na mwili.

Amini Ndipo Uone. Shalom.

KUTUNZA UTUMISHI WAKO
(Mch. Jackson, PSAG-Kitunda, Jumapili 23 July 2017)
Utumishi ambao Mungu ameweka ndani yako ni wa thamani sana. Mungu amekutoa katik vitu vingi vya ki dunia na kukuleta katika Wokovu kwa neema. Somo ili linalenga kukumbusha kutunza wokovu wako kwa gharama kubwa.
Kitu kikiwa cha thamani lazima kitunzwe vizuri. Mathalani, ukiwa na nguo yako kama Suti, ukiipeleka kweye kazi ya kubeba zege, baadae ukiiva na kuja nayo Kanisa kila mtu atakushangaa ilivyochafuka, hata wewe mwenyewe hautaitamani. Ndivyo ilivyo kwa Wokovu wako uliofanyika kwa Agano la Damu ya Yesu msalabani.
Mwanzo 15:8 – 13, unajifundisha juu ya dhamani ya Sadaka na Madhabahu unayomtolea Mungu Sadaka yako.
Unaposoma habari hii, unakuta moyo wa Imani ya Abramu kwa kumwamini Mungu na kupokea ahadi kwa uzao wake kurithi nchi. Mungu na Abramu wanakubaliana kudhibitisha Agano hili kwa Sadaka yenye dhamani kubwa (vv 8-9). Sadaka hii ilikuwa ni ya dhamini sana.
Kwenye Sadaka hii ndo kulikuwa na Ahadi zote za Mungu kwa Uzao wa Abramu. Abramu akawa mwaminifu katika kutoa hiyo sadaka na kuilinda dhidi ya ndege aina ya Tai wasiiguse. Lakini baadae alichoka na akapitiwa na usingizi (vv 12). Abramu aliingia pia katika hofu ya giza badala ya kuenedelea kumwamini Mungu.
Wewe na mimi wakati mwingine ni kama Abramu, tunazo ahadi za Mungu katika maisha yetu na Mungu ameweka agano lake kwetu, lakini unakubana na changamoto mbali mbali za kukurudisha nyuma na kusahau dhamani ya utumishi wako. Kumbuka Mungu anasubiri aone uvumilivu wako ili aweze kuachilia udhibitisho wa agano la baraka zake.
Je, uko tayari kuendelea kuwa macho na kuwafukuza Tai na hofu ya giza la usiku? Unawa kwa Neema ya Mungu kwa kushinda yafuatayo:-
1. Kuchoka:
Mwili wake ulichoka kama ulivyochoka wewe kuendelea kutunza wokovu na utakatifu wako. Yesu alipoenda kuomba kilichowakuwata ni uchovu. Ninakukumbusha leo kuwa Mwili ni Dhaifu (Mt 26:41). Usiruhusu uchovu wala kupoa kiroho. Usichoke maombi, usichoke kufunga, usichoke Ibada, usichoke uimbaji. Ni vya dhamani sana kukufikasha kwenye ahadi za Mungu.

Neno la Mungu linatuonya kuwa Mwili ushindana na Roho (Gal 5:16 – 17). Uchovu wa Mwili ulipeleka uzao wake utumwani miaka 400. Ukiruhusu Uchovu, sijajua utapelekwa utumwani miaka mingapi, sijajua utatanga tanga kwa kiasi gani, sijajua utashambuliwa na magonjwa mangapi na kwa muda gani. Shinda uchovu wa kiroho
Ndani yako Mungu ameweka Wokovu na Utakatifu. Neno linasema shika sana uilicho nacho, kwani aduai anataka kukipokonya (Ufu 3:11). Mwili wako sikuzidi ujuzi au kukupelekesha. Ukikosa wokovu Mungu anakuwa mbali nawe na hata maombi na ahadi zako kwa Mungu azikufikii tena (Isa 52:2).
2. Usingizi:
Mtu akisinzia anaanza kuota na anapoteza ufahamu. Neno la Mungu linasema Kesheni, si kwamba usilale kabisa bali uwe macho kiroho. Na ukiwa macho kiroho unakuwa makini na kupima athari zinazoweza kukupata. Yesu alionya juu ya kulala usingizi alafu adui akapanda magugu (Mt 13:24-25).
Mbegu wa Wokovu wako ilipandwa kwa Neno la Mungu na halibunguliwi. Adui yako, shetani au Ibilisi ukilala anapanda mbegu ya magugu. Unapookoka unapokea  nguvu ya kiroho na kufunuliwa mambo ya rohoni.
Kanisani kuna watu wa aina 3:
a. Wanaokua: Kundi ili linapigana kuendelea na wokovu na kumjua Mungu zaidi. Mungu anawatumia na kuachilia baraka zake kwao.
b. Wanaodumaa: Kundi ili ni wajuaji au wasikilizaji tu wa neno. Hawachukui hatua na kulitii neno wala kulisikiliza ili walitendee kazi. Kila kitu ni kawaida kwao, hawafungi, hawaombi, hawaji au kuwai kuwai Ibada. Wanazoelea Neno la Mungu na wokovu.
c. Wanauorudi nyuma: Wakuwa na bidii ya muda alafu baada ya muda wanarudi nyuma na kuacha vitu vya msingi.
Adui anachotafuta ni kupanda magugu. Usikubali adui akushinde akutege. Usikubali kupote tiketi yako. Mshitaki wako Ibilisi anakutafuta (1Petro 5:8-9). Lakini ashukuruiwe Mungu maana anatuonya kulinda mioyo yetu (Mithali 4:23). Mwimbaji wa nyimbo za Injili, King Victor anasema “Wokovu moyoni, Akili Kichwani, na Pesa Mfuko”.

Kutunza Utumishi Wako. Shalom.

MAOMBI YA SHABAHA (Mch. Jackson,PSAG Ijumaa Mkesha, 21/07/2017)

Haya ni Maombi ya Kumaliza mambo yanayosumbua maisha yako. Unakuwa na hasira dhidi ya shetani na Hasira ya ki Mungu inakupa nguvu ya kushinda kupitia Maombi.

Ktk medani za kuvita, Askari ufundishwa kutumia siraha za aina mbali mbali. Ufanyishwa mazoezi ya kulenga Shabaha na kujifunza sehemu ambazo ukimpiga shetani atakufa.

Kwenye uwanda wa vita pia anayetafutwa mara zote ni Kamanda (kingozi wa vita) wa Vita. Kwani yeye ndo anapanga mashambulizi. Ukimuua Kamanda askari wote wanakimbia. Daudi alilijua hilo, alipoenda kwenye uwanda wa Vita alimtafuta kamanda Goliathi. Baada ya kuuwawa, Jeshi lote la Wafilisti lilikimbia na kuuwawa. Ujitaka kukata mti, anzia kwenye mizizi.

Mifano ya Maombi ya Shabaha yenye Manufaa zaidi ya moja:
1. Kufufuliwa kwa Lazaro: Yoh 11:38-45
Kusudio la Maombi ya Maombi ya Yesu ni ili Lazaro afufuke. Na kweli Lazaro alifufuka akawa mzima.
Lakini ni zaidi ya hapo.  Kusudio la pili ni Kudhihirisha Utukufu wa Mungu (mst. 41-42).

Mungu anapojibu maombi yake, yale majibu yanamletea kwanza Yeye utukufu kabla yako. Maombi yanapojibiwa ni ili watu wengine wabarikiwe kupitia wewe. Kupitia kazi yako, biashara yako, mafanikio yako, ushindi wako, Mungi anatakiwa atukuzwe kwanza, ufanyike baraka kwa watu wengine, then wewe unufaike.

2. Daniel kutafsiri Ndoto (Dan 2:14-46):
Japo kuwa Daniel alifunuliwa siri ys  ndoto ya Mfalme (vv19) kupitia maombi, tunaona faida zake nyingi: Kuijua ndoto na tafsiri yake; Kutouwawa kwa wenye hekima (vv24), Kumtambulisha Mungu wa kweli (vv 47).
Maombi yako yanamtambulisha Mungu wa kweli, wachawi wanakimbia, maadui zako wanatamtukuza Mungu wako.

Siku moja nilikutana na majirani zangu wamembeba binti yao aliyepagawa mapepo, wanaume kama 4 hivi. Nikauliza kulikoni, wakasema binti anapiga ngumi na mateke kama Tyson. Ikabidi nisaidie, na ktk ile purukushani, yule binti akanipiga kibao cha uso. Maumivu yale ya kibao kile, ndipo nikatambua shetani amenipiga, na ulokole wangu, kwa hasira nikasema "acheni nimwombee". Nilipo mwekea mkono kwenye paji la uso na.kuanza kukemea kwa Jina la Yesu, watu wote wakamweka chini na kuniachia peke yangu. Nikapambana naye huku nikikemea kwa nguvu zote. Ghafula yale mapepo yakakubali kumwachia. Mara yule binti ufahamu ukalejea, akaanza kuvaa nguo zake vizuri na kuona aibu. Wale ndugu wakashangaa (japo waliendelea kugangania Imani yao), na Mungu wangu alitukuzwa.

Tunaye Mungu ndani yetu mwenye uwezo, tuna Mungu asiyeshindwa wala kubadilika. Na ni Mungu ambaye ujitukuza kupitia sisi.

Shalom.

USIOGOPE VITA (Mch. Remmy, PSAG The House of Vision, DSM 09/07/2017)

Ushujaa baada kupambana na kushinda. Ni bahati mbaya, mfumo wa Elimu ulitufanya kufikiria kushindwa na kuona ukosefu au upungufu wa vitu ktk maisha yetu, hivyo kukosa ujasiri na uhodari wa Kupambana.

Kwa bahati mbaya hata kwenye mambo ya ki Kiroho tumeambukizwa mwelekeo huo huo.
Ni maombi yangu kwa Mungu abadili fikiri za kizazi chetu na Kanisa kutoogopga Vita.

Hotuba ya marehemu Baba wa taifa, Mwalimu Nyerere akitangaza vita kati ya nchi yetu na Uganda, baada ya Uvamizi wa Iddi Amina, alisema, namnukuu "Sababu tunayo, Nia tunayo, na Uwezo tunao". Hii ilikuwa ni kauli ya Jemedali Mkuu asiyeogopa Vita.

Wewe na mimi ni Majemedali na tunao Ujasiri wa kupambana na kila adui anayekuja ktk maisha yetu ya kila siku. Upo vitani, na Roho Mtakatifu abakukumbusha kupigana Vita ya Imani. Hii ni kwa sababu changamoto tulizonazo kwenye maisha yetu zinatokana na Shetani.

Katika Waamuzi 3:1-11, tunasoma habari ya kusudio la Mungu kwa Israel KUJIFUNZA VITA.

Ili kuwafundisha vita, Wana wa Israel hambao "hawakujua vita", Mungu aliwawekea mataifa 5 jirani ili wawe MAADUI.

Mpendwa, kuna vitu vinaachwa ktk maisha yako ili kukufundisha VITA. Ili uweze kuomba, kufunga, kusoma neno, ni sharti uingie ktk ugumu ili kukuchochea "kutitiliza" ili UPIGANE na Adui shetani.

Nataka ujue mataifa mengi ulimwenguni yameendelea kutokana na kupigana Vita ya Maadui wa Ndani au Nje (majirani zetu Rwanda na Uganda mfano).

Hivyo ktk suala la vita ya kiroho na ki mwili Mungu anakusudia:
1. Kukufundisha Vita: Jifunze mbinu mbalimbali za kupigana (vita ya ki roho na mwili). Tumia akili na nguvu zako zote. Vita siyo lele mama.
2. Kukujaribu kama Utatii. Askari ujiandaa ukakamavu na medani za vita wakati wa Amani. Unajenga misuli yako na Ukakamavu  wa Imani ktk maisha ya Utii kwa maisha ya Maombi, kufunga, na Neno.

Wana Israel walishindwa kujifunza Vita. Badala yake wakajiunga na Adui.

Mungu akuweka ktk ya Watu ili uwasadie (Mt 5:13-14). Tunapoza ukali na kuwa butu tunapoiga mifumo ya maisha ya dhambi ya Jamii iliyotuzunguka (kuozeana). Tunakosa kuwa chachu. Hautakiwi kulalamika kwa kukaa jirani na wachawi, walevi, na wazinzi. Ni ili tuweze kujifunza vita. Tunajifunza mbinu za ki vita za kupambana nao.

Usiache kazi kwasababu kuna watu wanakusema. Usikubali kukatishwa tamaa. Endelea na ulichokusudia kufanya. Waliokudharau watakuona juu.

Musa kuna vitu alichelewa kutambua ktk kufundishwa vita. Mungu alimpeleka kwa Farao ili afanye mazoezi ya kupambana (kiroho, kimwili). Mungu akikupelekwa mbele ya adui zako usiogope kwa amesema "nitaandaa kalamu" mbele yao.

Usikubali kushindwa. Ukisema, Ndoa yangu itavunjika, itavunjika kweli! Lakini ukiamua kupigana, hata hiyo "Nyumba ndogo" itaachia. Pigana vita "Agani na Ardhini", usitumue mbinu mmoja.

Narudia, kamwe usitumie mbinu wala Siraha aina mmoja. Hata Musa alipotumwa kwa Farao hakutumia siraha moja. Ilichukua muda Farao kuwaruhusu waondoke.

Ukisoma kitabu cha  Kutoka sura 4, Maongezi ya Mungu na Musa, yanaweza kukusaidia kujiandaa kisaikoligia, na yalimsaidia kutambua yafuatayo:
1. Tambua Fimbo uliyonayo: Musa hakutambua kama hiyo fimbo inaweza kutumika kwa Uweza wa Mungu kama siraha ya ukombozi. Kumbuka Musa alitumia Fimbo hii siku zote kuchunga Kondoo.

Mpendwa, nikukumbushe Mungu anaweza kukutumia hivyo hivyo, usijidharau. Tambua ndani yako ipo karama na uwezo wa ajabu kushinda vita!!

2. Tambua uwezo wako:
Kushinda vita kuna kunataka kutambua uwezo wako. Usisubiri watu wakuambie au kukutia moyo. Endapo hautapa mtu wa kukutia moyo utabakia hivyo.

Ongeza uweka wako,  fanyia mazoezi mambo unayoyajua. Tumia muda wako kujifunza kuimba, kupiga vyombo, ujasiriamali. Tafuta maarifa mapya ya kukukwamua kimaisha.
3. Tambua Nyakati (Timing):
Kutambua mapema adui zako, wabaya wako, wanaokuloga, upinzani, nk, ni muhimu sana. Vita huitaji kuwai au kushutukiza ili uweze kupata ushindi wa mapema.

Pia tambuacKuna vitu una uwezo wa kufanya vizuri zaidi ktk umri fulani, vinginevyo utakabiliwa na changamoto kubwa.

4. Tambua kuvaa na kuzitumia siraha za vita:
Bila siraha za kumtishia au kumpigia hauwezi shinda. Biblia imeweka wazi kuwa Nyoka na Nge havitatudhuru (Lk 10:19). Na hivyo unahitaji kutumia Mamlaka ya ki Mungu (Mk 16:17). Wakati mwingine Tumekuwa waoga muno kukemea mapepo.

Somo la kujifunza kwa tabia za ndege anayeitwa Tai:
i. Tai Uruka peke yake juu sana: Kushinda vita yako, usikubali kujiweka au kujishusha chini. Nenda sehemu ya juu

Kwa ndege, Eneo la chini lina hatari nyingi (juu sana kuna usalama na uhakika). Usikubali na watu wasiokuwa na mchango hasi kwako kimaendeleo au kimawazo.
ii. Jicho la Tai Ulenga Maono ya Uhakika:
Jicho la Tai anaporuka juu ulenga maono sahihi na akishuka uyajia hayo maono kwa kasi na nguvu. Kushinda Vita lazima uwe na Maono sawa na Mith 29 ili usije kushindwa vita au adui jukupotezea lengo.
iii. Tai hali Mizoga:
Tai utafuta mawindo yaliyo mapya (fresh). Usipigane kwa Vita kwa ajiri ya vitu dhaifu. Angaukia Vita yenye manufaa kwako au jamii yako.

iv. Tai Ufuraia Mawindo yake:
Tai yupo tayari kukabiliana na changamoto ili mwisho afuraie mawindo yake. Kwente maisha ya Vita, unachosemwa au kugombezewa kikusaidie kuboresha maisha yako na kupata mwelekeo mzuri zaidi.

v. Tai Jike upima Uwezo wa Tai Dume:
Ili uweze kushinda ktk vita, ni vizuri kupima uwezo wa kujitoa wa Marafiki zako, Mchumba,  au mdau yeyote unayeshirikiana naye iwe biashara kazi, hata huduma.

vii. Tai Ujiandaa kwa Mafunzo:
Tai kama ndege wenhine ujenga uwezo wa vifaranga kwa kuviachia toka juu ili kuvifundisha kuruka kwa mbawa zao wenyewe.
Unahitaji kuwafundisha/kuwajengea uwezo Watoto wako ( kuwinda, kuruka, kutafuna) kujitegemea. Waondoe kwenye kujiona huru (confort zone).
vii. Tai akikua ujijerui ili kujiuisha:
Tai kama vile Nyoka anavyojivua gamba, akifikia Umri fulani makali ya Mdomo na Kucha zake uisha na Manyoya yake upungua. Utumia nguvu nyingi na Maumivu makali kuondoa mdomo, kucha na manyoya ya zamani.
Kadiri maisha yako ya ki Roho na mwili  unaweza kupungua nguvu, kupata maradhi na udhaifu tofauti tofauti. Unaihitaji kujijerui ili kujijenga upya.

Shalom.
Kyaruzi

INUKA UENDELEE NA SAFARI

INUKA UENDELEE NA SAFARI

1 Wafalme 19: 1-18

Maisha yetu hapa duniani ni safari. Ni safari ya ki roho na kimwili. Katika safari hii, wakati mwingine tunachoka, tunakata tamaa kwa sababu ya vikwazo mbalimbali. Inafikia hatua tunashindwa kuendelea na tunakaa chini, kuzila, kunyanyua mikono au kuacha kile tulichokusudia kufanya.

Ujumbe unatutia ujasiri na nguvu mpya katika safari yetu. Mungu anatukumbusha kuwa yuko pamoja nasi, na lile kusudi alilokuumbia, lazima utalitimiza (Yer1:4-5).

Eliya alikumbana na hofu kubwa na mashaka kwa vitisho vya Yezebel (1Fal 19:1-3). Pamoja na ushindi mkubwa wa kumdhibitisha Mungu wa kweli na uwezo wake (1Fal 18:36-40), Eliya alioenda kujificha na kuacha mpango wa Mungu.

Wengi wetu tuna ushuhuda mwingi katika maisha yetu juu ya matendo makuu ya Mungu, lakini shida kidogo ikitukumba hofu na mashaka uinuka na kutukatisha tamaa. Inawezekana unatamani, kujificha, kupotea, ua kuacha kazi. Unatamani ujiue, ufe kabisa. Lakini ashukuriwe Mungu kwani anakuona pale ulipoketi chini ya mretemu.

Ujumbe huu ni kwa ajili ya kukutia moyo wa kuinuka ili uendelee na lile kusudi la maisha yako kwa Imani dhabiti.

Ni maombi yetu kwa Mungu aseme nasi leo kwani safari bado inaendelea. Lile kusudi la maisha yako alijatimia, usikate tamaa. Mungu kutie nguvu ya kuendelea mbele zaidi. Sauti ya Mungu inakuita kwa upole hapo ulipo “Inuka, ule; maana safari hii ni kubwa mno kwako” (1Fal 19:7).

Rev. Remi, R.K,

Agape Christian Fellowship

Kitunda – Dar es Salaam.

+255 713 386 315

Kanisa la Agape Christian Fellowship la Kibeberu Mzinga limeandaa Mkutano Mkubwa wa Injili. Mkutano huu wa siku nane utaaza Jumapili, tarehe 07 Mei mpaka Jumapili, tarehe 14 Mei 2017, kila siku saa 9:00 kamili mchana mpaka saa 12:00 jioni

Wote Mnakaribishwa